ব্যৱহাৰ কৰি কৰি লেতেৰা হৈ পৰা ফনিখন এনেদৰে পৰিষ্কাৰ কৰক:-
নতুন ফনিখন কিনি আনি কিছুদিন ব্যৱহাৰ কৰাৰ পিছতে ফনিখনৰ দাঁতবোৰৰ মাজে মাজে কিছু কলা কলা লেতেৰা জমা হৈ পৰে ।
আৰু যদিহে এই ফনিখন বহুজনেই ব্যৱহাৰ কৰিছে তেন্তে এই লেতেৰা সমূহত কিছু ৰোগৰ বীজাণুও জমা হৈ থাকিব পাৰে। যদিহে ব্যৱহাৰ কৰা কাৰোবাৰ মূৰত “চেবৰহিক দাৰমাটাইটিছ” বা উফিৰ সমস্যা আছে তেন্তে এই ৰোগ আন ব্যৱহাৰৰ কাৰী জনৰ মুৰলৈ নিশ্চিত ভাৱে বিয়পি যাব। আৰু যদিহে এই ব্যৱহাৰ কৰা কোনোবাই চুলিত ৰং খানে তেন্তে এইখন চাব নোৱাৰাকৈ কলা হৈ পৰিব। সেয়ে সময়ে সময়ে এই ফনিখন পৰিষ্কাৰ কৰি থকা নিত্যান্তই প্ৰয়োজন। আৰু তলত দিয়া দিহাৰে আপুনি অতি সহজে কোনো কষ্ট নকৰাকৈ পৰিষ্কাৰ কৰক এই লেতেৰা ফনিখন।
ক্লিক কৰি আৰু পঢ়ক ??
এটা কেৰাহীত ফনিখন বা ফনি কেইখন ডুব যাব পৰাকৈ পানী লৈ পানীখিনি গৰম হৈ উতলিবলৈ দিয়ক।
এই উতলি থকা পানীখিনিত এতিয়া এক চামুচ বেকিং চদা আৰু ভীম লিকুইড চাৰিচামুচ দি ফনিখন বা ফনিকেইখন ডুবাই দি পুনৰ তিনি চাৰি মিনিট উতলিবলৈ দিলে দেখিব ফনিখনৰ দাঁতৰ ভিতৰত জমা হৈ থকা লেতেৰাবোৰ আঁতৰি গৈ পানীখিনি লেতেৰা লেতেৰা দেখা হৈ পৰিছে।
মাত্ৰ পানীখিনি উতলি থকা সময়ত এখন হেতাৰে ফনিখন তল উপৰ কৰি দিবলৈ নাপাহৰিব। আৰু ইয়াৰ পিছতে জুইকুৰা নুমাই ফনিখন গৰমে গৰমে বেচিনৰ পানীত ধুই দিয়ক দেখিব ফনিখন সম্পূৰ্ণৰূপে পৰিষ্কাৰ হৈ পৰিছে
আৰু এয়া দেখি আপোনাৰ মুখত এটি মিঠা হাঁহি বিৰিঙিছে।