মাতৃৰ জৰায়ুত গৰ্ভস্থ শিশুৰ বাবে ভিটামিন D অত্যন্ত প্ৰয়োজনীয়। শিশুৰ জন্মৰ আগৰ পৰা শিওশুটিৰ যি বৃদ্ধি আৰু বিকাশ হৈ থাকে তাৰ লগত ভিটামিন D ৰ আচৰিত সম্পৰ্ক আছে। সাম্প্ৰতিক গৱেষণাত প্ৰকাশ যে গৰ্ভৱতী মহিলাৰ দেহত ভিটামিন D ৰ অভাৱ ঘটিলে গৰ্ভস্থ শিশুৰ বৃদ্ধি আৰু বিকাশ সঠিককৈ হ’বলৈ নাপায়।
মানৱ শৰীৰত ভিটামিন D ৰ প্ৰয়োজনৰ কথা নতুনকৈ কোৱাৰ প্ৰয়োজন নাই। এক চিকিৎসা বিজ্ঞানৰ গৱেষণাই প্রকাশ কৰিছে যে মাতৃৰ দেহৰ ভিটামিন D ৰ পৰিমাণে নিৰ্ধাৰণ কৰে অনাগত শিশুৰ বুদ্ধিমত্তা কেনে হ’ব । আৰু এইটোও সকলোয়ে জানা উচিত যে সূৰ্য্যৰ পোহৰ হৈছে ভিটামিন D ৰ প্ৰধান উৎস। তাৰোপৰি কিছু খাদ্যভাগ যেনে কণীৰ হালধীয়া, লিভাৰ, কড লিভাৰ তেল, মাছৰ কণী , কমলা ,চয়া মিল্ক , সাগৰীয় মাছ আদিত কিছু পৰিমাণে ভিটামিন D পোৱা যায়। কিন্তু ভিটামিন D ৰ প্ৰধান উৎস হৈছে সূৰ্য্যৰ পোহৰ।
শেহতীয়াকৈ আন্তঃৰাষ্ট্ৰীয় “জাৰ্নেল অফ নেউত্ৰিছন” ( International journal of nutrition) নামৰ পত্ৰিকাত প্ৰকাশিত তথ্য অনুসৰি বহুসময়ত গৰ্ভৱতী মহিলাৰ দেহত ভিটামিন D ৰ অভাৱ উপলব্ধ হয় । তাৰোপৰি বগা চেহেৰাৰ মহিলাতকৈ কলা চেহেৰাৰ গৰ্ভৱতী মহিলাৰ দেহত ভিটামিন D ৰ অভাৱ বেছিকৈ হোৱা পৰিলক্ষিত যায়। কলা ছালৰ মানুহৰ দেহৰ ছালত থকা মেলালিন পিগমেণ্ট ( Melanin pigment) সমূহে সূৰ্য্যৰ অতি বেগুনীয়া ৰশ্মি সমূহ ভালকৈ প্ৰতিহত কৰিব পাৰে কিন্তু ভিটামিন D যথেষ্ট পৰিমাণে শোষণ কৰিবলৈ ব্যৰ্থ হয় । সেয়ে শ্বেতঙ্গৰ লোকতকৈ কৃষ্ণাংগৰ লোকৰ দেহত ভিটামিন D অভাৱ বেছিকৈ হোৱা দেখা যায় বুলি একে গৱেষণাতে প্ৰকাশিত । লগতে গৱেষণাত প্ৰকাশ যে প্ৰায় ৪৬ % মহিলাই গৰ্ভৱতী অৱস্থাত ভিটামিন D ৰ অভাৱত ভুগিব পাৰে। আৰু গৱেষণাই এইটো দাবী কৰিছে যে এই ভিটামিন D ৰ অভাৱত ভোগা মহিলাই প্ৰসৱ কৰা শিশুৰ ভৱিষ্যতে আই কিউ (IQ) লেভেল কম হয়। বিশেষকৈ গৰ্ভৱতী অৱস্থাত ভিটামিন D ৰ অভাৱত ভোগা মাতৃয়ে জন্ম দিয়া চাৰিৰ পৰা ছয় বছৰৰ শিশুৰ বুদ্ধিমত্তা কম হোৱা দেখা যায়।
মুখৰ দুৰ্গন্ধ দূৰ কৰাৰ ঘৰুৱা দিহা জানিবলৈ তলৰ ৰঙা আখৰ ক্লিক কৰক
সেয়ে গৰ্ভৱতী মহিলাক বেছিকৈ দেহত ৰদৰ পোহৰ লগাবলৈ পৰামৰ্শ দিয়া হৈছে। লগতে ভিটামিন D সমৃদ্ধিশালী খাদ্য সমূহ খাদ্য তালিকাত নিশ্চিত কৰা দৰকাৰী।
Popular Assamese drama